praza.gal, 10 de xaneiro de 2025.
Hai agora un ano, asistimos a unha poderosa ofensiva da dereita política, mediática e xudicial contra o proxecto de lei de amnistía que contemplaba a cancelación das consecuencias penais derivadas dos acontecementos rexistrados en Cataluña durante os anos do chamado «procés».
A devandita campaña desenvolveuse arredor de varios argumentos principais: a suposta inconstitucionalidade da iniciativa lexislativa presentada; o cambio rexistrado na posición política anterior de Pedro Sánchez para conseguir a súa investidura despois dos comicios do 23 de Xullo de 2023 e o carácter presuntamente «golpista» e «antidemocrático» das formacións independentistas catalás.