Ramona  Barrio

Cada vez mais, se están empregando indicadores que nos permiten observar diferencias entre distintos paises e entre homes e mulleres. Estou-me a referir a algúns dos que empregan as Nacións Unidas desde mediados dos anos 90. Ten a sua importancia coñece-los, saber como se calculan e polo tanto o que indican.

Nos informes do PNUD ( Plano das Nacións Unidas para o Desenvolvimento ) aparecen, entre outros o IDH, IDX e IPX.

            O IDH (Índice de Desenvolvimento Humano) é un índice composto que mide o promedio do progreso e que está baseado en tres dimensións básecas do desenvolvimento humano: unha vida longa e saudabel, coñecimentos e un nível de vida digno. O cálculo do IDH fai-se a partir dos dados da esperanza de vida, da taxa de alfabetización de adultos e do PIBpc.

Son tres os grupos de paises que se diferencian segundo o IDH, como podemos ver no seguinte cadro (ate 0,800 son considerados paises  co desenvolvimento humano alto, de 0,500 a 0,799 medio e con un valor menor paises de desenvolvimento humano baixo)

Algúns dos datos do informe PNUD 2.003, que nos permiten observar as fortes diferencias en canto ás oportunidades de levar unha vida sa e cumprida podemos ve-las no seguinte cadro:

O IDX (Índice de Desenvolvimento de Xénero) é un índice composto que mide a desigualdade entre homes e mulleres nas tres dimensións básicas que compoñen o IDH, axustado para reflectir as desigualdades entre homes e mulleres. O dado pois indica as posibilidades das mulleres con respecto aos homes do mesmo pais. Nos paises do cadro anterior temos:

O terceiro indicador, que me parece importante coñecer é o IPX (Índice de Potenciación de Xénero). Tráta-se tamén dun índice composto que mide a desigualdade de xénero en tres dimensións básecas de potenciación: participación económica e poder de decisión, participación política e poder de decisión e control sobre os recursos económicos. A análise e interpretación dos dados do IPX serian necesarias para poder deseñar calquer política de xénero. No caso deste indicador podemos achegar-nos mais á nosa realidade e ver por exemplo as diferencias nos dados por comunidades autónomas dentro do estado español, ainda que comprobar a situación das galegas non nos goste, estamos de primeiras mais pola cola.